ФОТО: Милевски ги избра стартните 11 играчи за дуелот против Португалија
Вечерва во Порто на стадионот „Драгао“ со почеток од 20.45 часот во финалето од баражот за пласман на Светското првенство во Катар силите ќе ги одмерат Португалија и Македонија.
Двајцата селектори Фернандо Сантош и Благоја Милевски одлучија со кои играчи ќе го започнат мечот од првата минута.
За нашата селекција ќе стартуваат: Димитриевски, Алиоски, Д. Велковски, Муслиу, С. Ристовски, Трајковски, Адеми, Барди, Елмас, Костадинов и Ристовски.
Од клупата за резерви шанса за настап ќе чекаат: Наумовски, Шишковски, Тодороски, Ашковски, Ристевски, Чурлинов, Серафимов, Николов, Да. Бабунски, Спировски, Миовски.
За репрезентацијата на Португалија во стартните 11 се: Диого Коста, Жоао Кансело, Данило, Пепе, Нуно Мендеш, Бруно Фернандеш, Жоао Мутињо, Отавио, Роналдо, Диого Жота, Бернардо Силва.