Јутјуберот Логан Пол и моделот Нина Агдал се венчаа во петокот на езерото Комо во Италија. На среќната двојка им се придружи и нивната ќерка Есме, а на Логан до олтарот стоеше и неговиот брат Џејк со свршеницата Јута Лердам, пренесува „Дејли мејл“.

Невестата носеше венчаница без прерамки, со корсет од чипка, подигната коса и долг вел на грбот. Логан се одлучи за елегантно бело сако со црна пеперутка машна и црни свечени панталони.

Logan Paul and Nina Agdal got married today in Italy 🔥 pic.twitter.com/MDdHYan4yp

— FearBuck (@FearedBuck) August 16, 2025

Инаку, парот се сврши во јули 2023 година, а своето прво дете, ќерката Есме, го добија во септември 2024 година.

„Повеќе не сум си сам на прво место. Тоа ме направи помалку себичен. Пред Нина, јас бев број еден во мојот живот. Сега со Есме, мојата ќерка, паднав две места на листата на приоритети. Есме, Нина, тоа е заменливо, па дури потоа јас. Првпат во животот не сум самиот себеси најважен. Би го дал животот за тие жени“, изјави претходно јутјуберот.

Минатата година, сепак, сликата изгледаше поинаку. Бројни корисници на социјалните мрежи го критикуваа затоа што го искористи породувањето на Нина како маркетиншки трик за промоција на својот најнов производ „Ланчли“. Тој радосен настан беше засенет со неговиот обид да ја истакне оваа нова линија, однапред спакуван комплет за ручек што Логан го разви заедно со јутјуб-ѕвездата Мистер Бист.

Имено, додека неговата партнерка се опоравуваше во болничкиот кревет по породувањето, Логан го претставуваше производот, откривајќи дека „секако“ го понел со себе во болница.

По тие објави, беше пречекан со бран критики, а корисниците на социјалните мрежи го обвинија за алчност и тврдеа дека со него „нешто сериозно не е во ред“.