Сопругата на британскиот крал Чарлс Трети, кралицата Камила одлучила малку да го освежи својот изглед, па го избрала популарниот козметички третман – тетовирање на веѓите. Како изгледа тој детаљ сега, можело да се види пред неколку дена на свечениот прием по повод посетата на претседателот на Нигерија во Бакингемската палата.

Козметичкиот третман што го избрала кралицата Камила подразбира пополни и подефинирани веѓи, а за разубавување на своето лице ја избрала лондонската козметичарка Сузан Мартин. Таа е специјалистка за полутрајна шминка во Лондон, а позната е како „кралица на веѓите“ поради својата способност да им даде на клиентите совршени веѓи.

Третманот на кој била подложена сопругата на кралот Чарлс чини околу 1.870 долари, односно околу 1.720 евра, пишува „Пипл“.

Кралицата Камила претходно имала подебели и потемни веѓи, па дури и помалку дефинирани. Моментално, бојата на нејзините веѓи е поинтензивна бидејќи постапката е направена неодамна. Со текот на времето, таа боја станува посветла и поусогласена со тенот, па со самото тоа е и поприродна, што е и целта на третманот.

Постапката се нарекува Couture Brow и подразбира исцртање на секое поединечно влакно на веѓите со помош на специјален молив за тетовирање. Пред третманот се вршат консултации, клиентот ја избира својата омилена нијанса, а пигментот се внесува директно под горниот слој на кожата.

За да се добие полн ефект, се изведуваат две сеанси од 90 минути. За резултатот да трае подолго, потребни се нови третмани, кои се изведуваат на секои осум до девет месеци и чинат 1070 долари, односно 980 евра.

Сузан Мартин ги разубавува веѓите на многу познати личности во Велика Британија, како што се пејачките Ел Гулдинг и Ду Липа.

Принцот Вилијам му постави ултиматум на принцот Хари: Разведи се од Меган и ќе ти дозволам да се вратиш во семејството

ФОТО+ВИДЕО | Кралот Чарлс Трети го откри својот прв портрет по крунисувањето