Оваа сезона моделите доаѓаат во верзии кои лесно се вклопуваат во различни стилови, од утрински состаноци до опуштени попладневни кафе-дружби. Кошулата е едno од оние парчиња кои секогаш имаат свое место во гардероберот, но во пролетниот период таа посебно доаѓа до израз.

Доволно е лесна за слоевито облекување, а сепак доволно структурирана за да му даде уреден и софистициран изглед на целиот аутфит.

Пролетна свежина во пастелни тонови

Оваа сезона особено се издвојуваат моделите во пастелни бои. Нежните нијанси на сина, розова и жолта внесуваат вистинска свежина во секојдневните комбинации. Покрај нив, тука се и класичните варијанти во бела и светло сина боја, како и моделите со дискретни риги или интересни дезени кои му даваат карактер на изгледот.

Кроеви за сечиј вкус

Изборот е голем, од класични и благ „oversized“ модел, па сè до женствени силуети кои лесно можат да се стилизираат за на работа, но и за неформални прилики.

Како да ги носите?

Нивната најголема предност е приспособливоста. Можете да ги носите на навистина различни начини:

• Со панталони и блејзер за професионален деловен изглед.
• Со фармерки за секојдневни, лежерни комбинации.
• Како лесен слој преку обичен топ или фустан за помодерен ефект.