Дури и најдобриот тенисер на светот има право на одмор. Новак Ѓоковиќ (38) моментално ужива на одмор со своето семејство во Црна Гора, а камерите неодамна го фатија во еден од локалните супермаркети – опуштен, насмеан и приземјен.

Во бела маица со подигната јака, бермуди и влечки, Новак трпеливо стоел во ред на касата, пазарувал сам и ја платил сметката со насмевка. Не изгледал вознемирен од присуството на телефони и камери – напротив, изгледал како некој што знае дека секој момент на мир треба да се цени.

Оваа фотографија брзо се прошири на социјалните мрежи, а сите во коментарите беа воодушевени од неговата приземјеност. „Како и остатокот од нормалниот свет“, „Човек кој е слободен да оди до продавница и тоа е тоа“.

Иако „годишниот одмор“ е во тек, распоредот на Ѓоковиќ сè уште останува тема на интерес за тениската јавност. Официјално е потврдено дека тој нема да учествува на Мастерсот во Торонто, кој започнува за една недела. Очигледно му е потребен одмор по исцрпувачките натпревари на Вимблдон, каде што беше сопрен во полуфиналето од Јаник Синер.

Следниот сигурен чекор во неговиот календар е Отвореното првенство на САД, кое започнува на 24 август, но сè уште не е познато дали ќе игра на некој од турнирите пред Гренд слемот во Њујорк.