ФОТО: Јовиќ пристигна во Франкфурт, а Зидан нема поим за тоа!

EFE/RONALD WITTEK

Лука Јовиќ се врати во Франкфурт каде до крајот на сезоната ќе игра како позајмен играч од Реал Мадрид.

Српскиот интернационалец не се снајде најдобро за една и пол сезона во „кралскиот“ клуб, па така одлучи да се врати во екипата на Ајнтрахт каде што блескаше и од каде во летото 2019 година беше продаден за високи 63 милиони евра во Реал.

Повторно ќе игра на „Комербанк“ арената на која за две години запиша 75 настапи и постигна 36 голови.

Иако германските медиуми објавија дека Јовиќ пристигна во Франкфурт, тренерот на мадридскиот гигант Зинедин Зидан даде интересна изјава. Французинот нема поим дека нема повеќе да смета на напаѓачот.

– Јовиќ е со нас, не ми рекоа ништо за позајмица, мора да видиме што ќе се случи. Тој е играч кој постигнува голови. И тоа е она што сакаме од него. Немаше среќа со повредите – вели Зидан.

Лука Јовиќ се враќа во Ајнтрахт

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот