Српскиот репрезентативец Лука Јовиќ во зимскиот преоден рок ќе го напушти Реал Мадрид и сезоната ќе ја доигра во добро позната средина, Ајнтрахт Франкфурт.

Реал Мадрид се согласи да го испрати Јовиќ на шестмесечна позајмица во германскиот тим откако е јасно дека Зинедин Зидан не смета на неговите услуги. За да дојде до Јовиќ, Ајнтрахт се откажа од ангажман на Џошуа Циркзе од Баерн Минхен и Коло Муани од Нант.

– Работите на последните детали, како што се договорање на лекарски прегледи. Наскоро Лука ќе ни се приклучи – изјави спортскиот директор на Ајнтрахт, Фреди Бобич.

Јовиќ се одлучи да замине на шестмесечна позајмица по разговорот со тренерот на „кралевите“ Зинедин Зидан, кој го советуваше напаѓачот да оди на позајмица за да може редовно да игра и што побрзо да се врати во голгетерска форма, а изборот паднал тоа да биде поранешниот тим на српскиот репрезентативец.

Според информациите, Реал Мадрид не дозволува да се вметне клаузула за евентуален откуп на договорот бидејќи пред две години плати 60 милиони евра за Јовиќ, а во исто време се согласи да покрие најголем дел од платата која изнесува 10 милиони евра бруто.

Лука Јовиќ од 2017 до 2019 година играше за Ајнтрахт и на 75. натпревари постигна 36 голови.