Австралискиот актер Сајмон Бејкер (51) е виден во друштво на мистериозна бринета, а дека тука не станува збор само за пријателство, сведочат нивните најнови фотографии на кои тие разменуваат нежности на плажата Бајрон Беј во Австралија.

Сите се прашуваат која е дамата која го освоила актерското срце…

Имено, станува збор за 36-годишната Лаура Меј Гибс, ко-сопственик на спортски бренд за облека и голема обожавателка на јогата и здравиот начин на живот, како и голема противничка на било какви естетски операции и зафати.

Сајмон и Лаура се запознале токму на Бајрон Беј, каде се наоѓа нејзиното модно студио, и тоа во близина на неговата фарма.

Миленикот на жените и неговата сопруга Ребека ја шокираа јавноста со веста за разводот на долгиот и складен брак, иако на почетокот не беше познато дека на нивниот брак му пресудила трета личност.

„Остануваме блиски пријатели и нашите три деца ќе останат наш приоритет“, изјавија неодамна заедно за магазиот „People“.

Одделни медиуми пишуваат дека тие се разделиле уште во април минатата година, а Сајмон пред неколку недели нивната семејна куќа во Санта Моника во Калифорнија ја стави на продажба по цена од 6,3 милиони долари.

Бејкер и Риг се запознале во раните деведесетти на снимањето на серија во родната Австралија. Се венчале во 1998 година по пет години заеднички живот. Заедно имаат три деца: Стела (27), Клод (22) и Хари (19).

И Ребека се занимава со глума, а најпозната е по улогата во филмот „Fatty Finn i Ellie Parker”, а имаше и помала улога во филмот „Jerry Maguire” со Том Круз.

Нивниот брак не го одбележа ниту еден скандал, а многумина често коментираа дека тој изгледа двојно помладо од неа, иако таа е повозрасна од него само една година.