Познатата двојка Џенифер Лопез (55) и Бен Афлек (51), чија љубовна врска медиумите со години ја нарекуваат „Бенифер“, со месеци ги полни таблоидните медиуми со вести за нивната разделба.

Откако актерот се исели од нивниот заеднички дом, многумина сметаа дека е дојден крајот на нивната љубов. Исто така, тие го поминаа летото одвоени – додека Лопез уживаше во Европа, Афлек работеше на својот најнов филмски проект.

Сепак, се чини дека нештата меѓу нив сè уште не се завршени.

По подолго време, Лопез и Афлек повторно се сретнале. Пејачката била забележана како влегува во неговата изнајмена куќа во Брентвуд, Лос Анџелес и таму поминала пет часа. Подоцна, Лопез отишла на шопинг со синот на Афлек, Семјуел, и двајцата изгледале расположени.

Ова не е единствената причина поради која многумина мислат дека парот, барем засега, не се разведува. Тие заедно присуствуваа на дипломирањето на синот на актерот, Семјуел, во јуни, иако во тоа време беа разделени. Потоа отидоа заедно на дипломската забава во куќата на Џенифер Гарнер, поранешната сопруга на Афлек. Потоа заедно, како што напиша „Дејли мејл“, ја напуштиле забавата во истиот автомобил и пристигнале во куќата во која Афлек престојувал додека биле разделени. Меѓутоа, штом пристигнале – Лопез влегла во нејзиниот автомобил и си заминала.

Неодамна Лопез беше фотографирана на пат кон канцеларијата на Афлек во Лос Анџелес по враќањето од Италија, а уште еден детаљ поттикна шпекулации дека парот, сепак, нема да се раздели. Всушност, минатата недела Вајолет го носеше истиот фустан кој Џеј Ло го носеше на состанокот со Афлек по повод минатогодишниот Ден на вљубените.

За нивниот брак се шпекулира со месеци, а ниту пејачката, ниту актерот не се огласија по овој повод во медиумите.