Франција регистрираше 2.025 смртни случаи повеќе од вообичаеното за време на исклучителниот топлотен бран кон крајот на јуни, покажуваат прелиминарните податоци од Националниот институт за статистика и економски студии (INSEE) што ги објави BFMTV.

Според податоците, речиси 9.000 смртни случаи се потврдени во Франција преку електронски изводи од смрт помеѓу 22 и 28 јуни. Зголемувањето се совпадна со врвот на големиот топлотен бран што го зафати поголемиот дел од земјата.

Француската министерка за здравство Стефани Рист изјави дека бројките засега се привремени бидејќи електронските смртни изводи не ги опфаќаат сите смртни случаи регистрирани во земјата.

Властите предупредија дека сегашните бројки мора да се толкуваат со претпазливост и би можеле да го потценат целосното влијание на топлотниот бран.

Според официјалните бројки, електронските смртни изводи покриваат околу 60 проценти од смртните случаи во Франција, но покриеноста значително варира од регион до регион.

Франција во последните денови доживува исклучително високи температури. Во многу региони, температурите надминаа 35 Целзиусови степени.

Топлотниот бран дополнително го оптовари здравствениот систем, а властите предупредуваат дека постарите лица, хронично болните и луѓето што живеат сами се особено ранливи.

Сончаница или топлотен удар — еве како да ги препознаете опасните состојби