Британскиот пејач Роби Вилијамс ги изненади и воодушеви минувачите во шпанска Севиља, кога спонтано му се придружи на уличен музичар кој ја изведуваше неговата песна „Angels“.

Популарниот музичар, кој моментално е на европската турнеја „Бритпоп“, пред концертот во Севиља прошетал низ историскиот центар на градот. Во квартот Санта Круз, на плоштадот „Пласа де Санта Марија ла Бланка“, слушнал уличен музичар како го свири неговиот голем хит од 1997 година и без двоумење запеал заедно со него.

На видеото, кое брзо се прошири на социјалните мрежи, Вилијамс е облечен во црна облека и бејзбол-капа, додека со насмевка ја изведува песната заедно со гитаристот. Насобраните минувачи со воодушевување го следеле неочекуваниот настап и го поздравиле со аплауз.

„Во срцето на севилскиот кварт Санта Круз, на плоштадот ‘Пласа де Санта Марија ла Бланка’, пејачот Роби Вилијамс наиде на уличен музичар кој изведуваше една од неговите песни и му се придружи во пеењето“, стои во описот на видеото што стана вирално.

It’s only @robbiewilliams singing with a street singer in Seville!

Our friend @CooleyJuli29711 was lucky to bump into Rob while out with her daughter in Seville, having flown from USA especially to see him in concert!

She asked the singer if he knew Angels… & this happened! pic.twitter.com/sf0pxBkwKz

— RW Rewind – Commentary Podcast (@rewindrobbie) June 29, 2026

Инаку, 52-годишниот музичар во моментов настапува низ Европа, а по завршувањето на европскиот дел од турнејата ќе ги посети и Австралија и Нов Зеланд.

Неодамна внимание привлече и видео што на социјалните мрежи го објави неговата сопруга Ајда Вилијамс. Таа го снимила додека во боксерки ја пребарува гардеробата во потрага по својата „среќна облека“ пред натпреварот меѓу Англија и Хрватска, а во описот на снимката низ шега напиша: „Дали и вашиот сопруг го прави ова?“

Роби Вилијамс го сруши рекордот на „Битлси“: Со најновиот албум стигна до првото место на британската листа по 16-ти пат