ФОТО | Двесте пара патики на „Луј Витон“ продадени за 25 милиони долари

Фото: Профимедиа

Аукциската куќа „Сотби“ во средата објави дека 200 пара патики „Луј Витон“ и „Најк“ (Ер Форс 1), од аукцијата, кои ги дизајнираше починатиот дизајнер Вирџил Абло, се продадени за вкупно 25 милиони долари, пренесува „Гардијан“.

Портпаролот на аукциската куќа изјави за АФП дека за еден пар најмногу платено – повеќе од 350.000 долари во текот на онлајн-продажбата, која траела од 26 јануари до 8 февруари.

Тие започнале лицитацијата од 2.000 долари и предвидувале дека ќе се продава помеѓу 5.000 и 15.000 долари по пар. На крајот, патиките во просек чинеле повеќе од 100.000 долари.

 

View this post on Instagram

 

A post shared by Paul Heavener (@paulheavener)

Најевтиниот пар е продаден за нешто повеќе од 75.000 долари. Специјалното издание на патики, изработени од телешка кожа, првично беше креирано за машката колекција пролет-лето на „Луј Витон“, за 2022 година, чиј уметнички директор беше Абло.

Патиките со кафеава, бела и крем боја, можат да се пофалат со познатото лого на „Најк“ со препознатливиот монограм и мотиви на „Луј Витон“.

Вирџил Абло, мултиталентиран диџеј, архитект и дизајнер почина на 28 ноември 2021 година, на 41-годишна возраст, по борба со ракот. Абло беше, инаку, близок соработник на раперот Канје Вест и првиот Афроамериканец назначен за креативен директор на врвната француска модна куќа.

Почина Вирџил Абло, уметничкиот директор на „Louis Vuitton“ и основачот на „Off-White“

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот