ФОТО | Анџелина Џоли со драматична трансформација на косата: Актерката го најави својот нов бренд на облека
Камелеонот за убавина, Анџелина Џоли го направи тоа повторно. Пионерката на темната женска енергија се појави со драматична трансформација на косата, која потсетува на Кери Бредшо од „Сексот и градот“, облечена во моделите на нејзиниот нов бренд за облека и „креативен колектив“, „Atelier Jolie“.
Препорачано
Една од најубавите актерки во светот, позираше за насловната страница на едицијата есен/зима 2024 на „CR Fashion Book“, а нејзината фризура која потсетува на кадрици во диско од 80-тите го привлече вниманието на обожавателите.
Во интервјуто за насловната страница, актерката нашироко зборува за тоа што ја инспирирало нејзината одлука да лансира бренд за облека и надежта дека нејзиното најново поглавје ќе биде сфатено и прифатено како што го замислила, пишува „Гламур“.
„Мојата намера беше да изградам простор, дом, за луѓето да создаваат и да се инспирираат. Куќата е составена од уметници и дизајнери од целиот свет, а во срцето е поканата повторно да се вклучиме во дизајнот и да изградиме заедница“, рече Џоли во интервјуто.
49-годишната актерка за потребите на снимањето ја замени својата препознатлива долга и права коса со локни, а нејзиниот изглед предизвика различни реакции. Имено, додека едни ја пофалија промената, други пишуваа дека е непрепознатлива.
„Мислев дека е Камерон Дијаз“
„Да не беше нејзиното име, немаше да ја препознаам“,
„Тој што ѝ ја направил косата трба да биде отпуштен“, се само дел од коментарите.
