ФОТО: Андриј Шевченко во Скопје, го следеше натпреварот меѓу Македонија и Украина
Претседателот на Фудбалската федерација на Македонија, Муамед Сејдини денеска му беше домаќин на Андриј Шевченко.
Поранешниот славен фудбалер и актуелен претседател на Фудбалската федерација на Украина ги следи натпреварите од Елитната фаза квалификации за пласман на Европското првенство до 19 години.
Потсетување дека на стартот нашите фудбалски надежи загубија од Украина со резултат 2:0.
– Андриј е наш драг гостин. Заедно споделуваме искуства и на чести состаноци во УЕФА. Се заблагодари на гостопримството и на добрата организација на турнирот. Посакував престојот во Скопје да не мине резултатски позитивно за него, барем на првиот ден од натпреварите, но денешниот фудбал не простува грешки, а ние денеска наивно загубивме од Украина. Остануваме позитивни за преостанатите два меча од групата – кажа Сејдини.
Во второто коло, избраниците на селекторот Тони Јакимовски силите ќе ги одмерат со Швајцарија. Во вториот натпревар Украина ќе игра против Летонија.