Македонската фудбалска репрезентација до 19 години денеска во првото коло од групата „7“ на мини квалификацискиот турнир во рамките на Елитната рунда за пласман на Европското првенство 2025 загуби од Украина со 2:0.

Првиот гол украинските надежи на Тренинг центарот „Петар Милошевски“ – Скопје го постигнаа непосредно пред крајот на првото полувреме преку Кревсун (45+1`).

Противниците својот втор погодок го постигнаа на стартот од вториот дел благодарение на Пономаренко (48`).

Во 75 минута нашата селекција играше со фудбалер помалку поради двата жолти картони на Меличи.

МАКЕДОНИЈА У19: Петар Јакимов, Лорик Каба Јакупи, Андреј Аризанковски, Адриан Зенделовски, Зани Назифи, Валон Алији, Ѓорѓе Џеков, Марко Стојилевски, Мартин Ѓоргиевски, Анес Меличи;

Резерви: Даниел Марковски, Теодор Николовски, Хакија Цаноски, Андреј Велков, Димитар Данев, Љупче Џеков, Лорик Мухтари, Амир Нухија, Давор Серафимов, Давид Стојановиќ.

На натпреварот во Ѓорче Петров, селекцијата на Швајцарија ја оправда фаворитската улога и успеа да издвојува минимална победа над Летонија со 1:0. Вториот меч избраниците на селекторот Тони Јакимовски ќе го одиграат на 23 март против Швајцарија, а три дена подоцна е дуелот со Летонија.