Македонската пејачка Александра Јанева ги сподели првите фотографии од својата новородена ќерка Тина, само неколку дена по породувањето.

Јанева, која на 28 мај стана мајка за првпат, на Инстаграм објави серија нежни семејни фотографии на кои позира заедно со сопругот Иван Ангелов и нивната ќеркичка. На една од фотографиите малата Тина со своето раче го држи прстот на еден од родителите, момент што ги разнежни следбениците на пејачката.

Пејачката ја придружи објавата со емотивна порака: „Ти си доказ дека љубов постои. Цел наш свет собран во овие дланки.“

Веста за раѓањето на Тина пристигна само три дена по 31-от роденден на Јанева. Тогаш таа откри дека со сопругот добиле девојче, а сега за првпат ја сподели нивната семејна среќа и со јавноста.

Љубовната приказна на Александра Јанева: Бевме на три состанока и се прашувавме дали сме во врска