Фон дер Лајен: Во ЕУ досега се искористени 100 милиони дози вакцини против ковид-19
Претседателката на Европска комисија, Урсула фон дер Лајен изјави дека во Европска Унија дадени се 100 милиони дози вакцини против ковид-19.
– Во земјите-членки на ЕУ досега се испорачани повеќе од 126 милиони дози вакцини, а до денеска се примени 100 милиони дози, од кои над 27 милиони Европејци ја примиле и втората доза. Тоа се добри вести, истакна Лајен.
Претходно, Лајен најави дека ЕУ ќе го продолжи договорот со фармацевтската компанија „Фајзер,“ која произведува вакцини против ковид-19 до 2023 година и оти дотогаш ќе порача 1,8 милијарди дози вакцини.
ЕК најави продолжување на договорот со „Фајзер“ до 2023 година
Таа изрази целосна доверба во технологијата на „Фајзер“, која користи безопасен вирус, која за разлика од компаниите„ Астра-Зенека“ и „Џонсон и Џонсон“ вакцините ги произведуваат со вирусен вектор.
– Мораме да се фокусираме на технологиите кои добро се покажаа, посочи Лајен.
Вакцинацијата против ковид-19 во земјите-членки на ЕУ е забавена поради доцнење на испораката на вакцини, но и поради појавата на тромбоза кај лицата кои примиле вакцина на „Астра-Зенека“.
Претходно, медиумите објавија дека ЕК следната година нема да ги продолжи договорите за вакцини против ковид-19 со компаниите „Астра-Зенека“ и „Џонсон и Џонсон“.