Рожер Федерер по пауза од 13 месеци, го одигра првиот официјален меч и во второто коло на турнирот во Доха го победи Британецот Даниел Еванс во три сета 7:6,3:6,7:5.
Ова беше прв меч кој Швајцарецот го одигра по пауза од 405 дена поради двојната операција на коленото.
Паузата си го стори своето и Федерер во петтиот меѓусебен дуел со Еванс го загуби првиот сет. Во целиот сет, единствената брејк топка ја имаше Еванс во деветтиот гем, но Федерер успеа да се спаси, а потоа одлучувачкиот гем да го освои со 10:8.
Во вториот сет, Еванс во четвртиот гем направи брејк и предноста ја зачува до крајот на сетот (3:6) и мечот го однесе во одлучувачкиот трет сет.
Во него и двајцата тенисери беа сигурни на свој сервис се до финишпот. До 12. гем немаше брејкови, а притоа Еванс имаше две брејк топки, додека Федерер само една. На крајот, Федерер при водство од 6:5 успеа да го одзеде сервисот на противникот и да дојде до победа на првиот меч по пауза од 13 месеци.