Рожер Федерер и Рафаел Надал се двајцата најомилени тенисери за навивачите, но состојбата е сосема поинаква кај новинарите. Бидејќи се тениски супер ѕвезди, новинарите тешко успеваат да дојдат до интервју, а тие кои ќе успеат се чувствуваат како да добиле премија на лотарија.

Но, овој пат, Федерер и Надал се најдоа на удар на спортските новинари. Колумнистот на „The Sydney Morning Herald“, Грег Бом упати лавина негативни коментари на сметка на првиот тенисер на денешницата.

„Рафа можеби е добро момче, а можеби и не е. Никогаш не сум го запознал лично. Имав можност овој викенд пред Австралија Опен, ми беше понудено да направам интервју со него. Успеав преку „врски“ да добијам можност за 10-минутно интервју, максимално 15 минути. Прашањата мораше да ги пратам однапред, а едно од нив би требало да биде за патното осигурување кое го спонзорира Надал. Не би ме зачудило доколку би ми побарале да го предадам и својот нотес, телефон и секоја работа која можеби би ја сокрил. Тоа не е се, оваа приказна би морала да носи слоган кој ги вклучува спонзорите на Надал. Тука ништо не е спорно, но проблемот е што тоа мораше да содржи 50 зборови, а тоа е цел пасус“, пишува Бом во својата колумна за весникот.

На новинарот не му е јасно дали самиот тенисер е запознаен со ваквите работи кои ги прави неговиот ПР тим, бидејќи Надал е премногу голем и важен тенисер за да биде обичен пион во оваа игра.

I nodded along so vigorously at this piece by @gregbaum that I nearly snapped my neck.

So many tennis interview offers come with a crass net of strings attached from sponsors; I’ve had to turn down dozens of star availabilities as a consequence.https://t.co/Zgk4InIMBP

— Ben Rothenberg (@BenRothenberg) January 17, 2020

Понатаму во текстот, Грег Бом потсетува дека ништо подобар не е ниту Рожер Федерер. Тој пишува за приказната на новинарката Клои Хупер која во 2014 година правела кратко интервју со Федерер. Таа открика дека менаџерите на Федерер и кажале “Имаш само пет минути. Дали би можела да вметнеш прашање за Moet?

Хупер се согласила и го запрашала Федерер: Дали пиеш шампањ?
„Во некои моменти сакам да прославам. Кога бев помлад трчав од едната кон другата страна, а сега се обидувам да уживам во моментите. Не само на теренот туку и кога сум со пријателите. Секогаш има за што да се прослави и тогаш отворам шише „Moet et Chandon“.

Tennis ace Roger Federer promoting #Moet & Chandon #Champagne! Happy b’day and cheers!! #BdayBoozeShot pic.twitter.com/eCTRSYbrQc

— Pubonweb (@pubonwebdotcom) August 7, 2013

Потоа новинарката сакала да го продолжи интервјуто но веднаш била попречена од менаџерите со зборовите „Имаш само уште една минута. Можеби би можека уште еднаш да го спомнеш Moet, можеби би можеле да зборувате за бербата од 2004 година и зашто таа му е специјална“.

На ова прашање Федерер имал подготвен одговор: „Тогаш станав најдобар тенисер на светот. Тој шампањ го отворам секој пак кога нешто специјално ќе ми се случи, тој е мојот најомилен шампањ“.

You can keep this side of PR: the side that pushes product and manipulates the media. In this case, @GregBaum from @smh didn’t “bite”. Kudos to them. As for @RafaelNadal and his mob: “hasta la vista”. https://t.co/yosKHA0hAk

— Dr. Greg Smith, PhD ???????????????????? (@pr_doctor) January 17, 2020

Откако ја напиша колумната, многумина спортски новинари се огласија и ја потврдија оваа приказна, а најдиректен беше новинарот Грег Смит кој рече: Секоја чест што не го загризавте овој мамец. Тие манипулираат со медиумите! Што се однесува до Надал и неговиот тим: Hasta la vista.