Федерер е поразен на првиот натпревар на земја по 712 дена
Швајцарецот не успеа да обезбеди пласман во четвртфиналето на турнирот во Женева откако со 2:1 во сетови загуби од Пабло Андухар.
Во првиот натпревар на земјени терени по пауза од 712 дена, Рожер Федерер загуби со 6:4,4:6,6:4 од шпанскиот тенисер по 114 игра. Нареден противник на Андухар ќе му биде подобриот од дуелот меѓу Доминик Штрикер и Мартон Фучович.
Ова беше трет меч за Федерер оваа година, претходно одигра два дуели во Доха каде прво го победи Даниел Еванс по што загуби од Николос Басилашвили.
Андухар подобро го отвори мечот, првиот сет го доби благодарение на брејкот кој го направи во десеттиот гем откако претходно и двајцата тенисер беа сигурни на свој сервис.
Во вториот сет, Федерер возврати со иста мерка, направи брејк во третиот гем и потоа успеа да ја сочува предноста за израмнување во сетови.
Pablo spoils the Swiss party 😯
Pablo Andujar wins the last four games to defeat Federer 6-4 4-6 6-4 in his first match back on clay since 2019 in Geneva pic.twitter.com/NqIUmzqBtu
— Tennis TV (@TennisTV) May 18, 2021
Но, во третиот сет Швајцарцот направи многу грешки кои Андухар знаеше да ги искористи и со освојување на последните три гема дојде до 6:4 што значеше негова победа.
Актуелен шампион на турнирот во Женева е Александар Зверев кој во 2019 година во финалето го победи Николас Жари додека минатата година, турнирот не се одржа поради пандемијата на коронавирусот.