Новак Ѓоковиќ, најдобриот тенисер на светот, речиси никогаш не заборави да им честита на големите ривали Рожер Федерер и Рафаел Надал за освоените титули, но изгледа дека Швајцарецот и Шпанецот сепак забораваат да му честитаат.

Шпанецот Надал во емисијата „Мовистар“ ја откри вистинската причина поради која на српскиот ас не му го честиташе трофејот на УС Опен. Од моментот кога Србинот го освои четвртиот УС Опен, односно 24. Грен слем, помина доволно време за да се сумираат сите честитки, но една сè уште не е пристигната на адресата на светскиот тенисер број еден.

Годинава Надал му честиташе на Ѓоковиќ за освојувањето на Ролан Гарос веднаш по завршувањето на турнирот, но тој не се огласи по УС Опен, поради што ја откри причината.

– Точно е дека сè уште не сум му испратил никаква порака на Ѓоковиќ од чисто незнаење. Кога ќе освоите нешто толку важно, од искуство знам дека е подобро да одвоите време за да ја цените таа порака. Ќе му испратам, но тоа сè уште не сум го направил – изјави Надал.

Познатиот „Бик од Мајорка“ откри и дека нема многу пријатели меѓу тенисерите, но дека повремено се слуша со Швајцарецот Федерер.

– Секако дека му пратив пораки на Карлос Алкараз кога победи или кога требаше да победи. Другите… немам многу пријатели на „турнејата“, јас сум од друга генерација. Одвреме-навреме разговарам со Федерер – рече Надал.

Во истото интервју, Шпанецот истакна дека планира да се врати на теренот следната година, но дека не очекува да може да освојува Грен слемови.