Тие имиња што досега се најавуваа, денеска се и официјални во конечниот список на Србија за учеството на Светското првенство во Кина.

Теодосиќ поради повреда не се најде во составот, интересно е тоа што има седум високи кошаркари кои играат на позициите 4 и 5, па се верува дека ќе има „поместувања“, како што и говореше селекторот Александар Ѓорѓевиќ пред заминувањето за Кина.

Најдобрите српски кошаркари одработија еден тренинг во Фошан, по што се дозна и конечниот состав на Србија за СП:

Марко Симоновиќ, Богдан Богдановиќ, Немања Бјелица, Владимир Лучиќ, Мирослав Радуљица, Стефан Бирчевиќ, Никола Јокиќ, Никола Милутинов, Василије Мициќ, Марко Гудуриќ, Стефан Јовиќ и Бобан Марјановиќ.

Србија барем според најновиот ФИБА ранкинг има најголеми шанси за освојувањето на светската титула, а останува да се види како ќе реагира селекцијата на САД која претрпе многу промени, заминувања, повреди, со недоаѓањето на најсилните НБА ѕвезди.

Мундобаскет 2019 започнува на 31 август, а токму в сабота српските кошаркари во 09:30 часот по македонско време на стартот од групата Д ќе се сретнат против Ангола.