Правните и медицинските предизвици повторно се испречија на патот на Кристијан Ериксен, кој и покрај сериозните предупредувања од лекарите е решен повторно да се врати на фудбалските терени, објави британскиот „Дејли Мејл“.

Според медицински експерти, постои сериозна загриженост за неговата здравствена состојба, а дел од нив предупредуваат дека ризикот од нов тежок срцев инцидент останува висок.

Искусниот играч за врска на Волфсбург минатиот месец колабираше за време на пријателскиот натпревар против Украина. Тоа беше втор ваков драматичен случај во неговата кариера, по колапсот што го доживеа на Европското првенство во 2021 година.

Christian Eriksen preparing for RETURN to football – despite being warned ‘it’s just a matter of time’ until another terrifying sudden collapse, a month on from his latest heart problem https://t.co/XYmGv5LFf3

— Daily Mail Sport (@MailSport) July 9, 2026

За среќа, вградениот кардиовертер-дефибрилатор реагирал навреме и го вратил нормалниот срцев ритам, со што му го спасил животот уште на теренот.

По инцидентот, данскиот репрезентативец ќе мине низ специјална индивидуална рехабилитациска програма во својата татковина.

И покрај драматичните случувања и препораките од лекарите, Ериксен нема намера да стави крај на професионалната кариера. Неговата цел е што поскоро повторно да се врати на зелениот терен.

Фудбалската јавност внимателно го следи неговото закрепнување, надевајќи се дека данскиот фудбалер повторно ќе може безбедно да му се врати на спортот.

ВИДЕО | Француски новинари се степаа за место на прес-конференцијата на Брахим Дијаз

Мирчевски се врати во Пелистер: Се надевам „Чкембари“ ќе ми простат за трансферот во Вардар