Само неколку дена по настапот на Светското првенство, 17-годишниот Гилберто Мора доживеа уште еден незаборавен момент – дипломираше во средното училиште во Тихуана.

Младиот мексикански репрезентативец беше најмладиот учесник на Мундијалот, а селекторот Хавиер Агире му даде шанса да настапи во нокаут-фазата, каде што беше дел од победата над Еквадор и поразот од Англија.

⚽️ #VIDEO: ¡Así fue la graduación de Gilberto 'Morita' Mora de la preparatoria! Fue ovacionado durante el recibimiento de su diploma pic.twitter.com/wMWjJrd6g8

— El Universal (@El_Universal_Mx) July 9, 2026

На свеченоста по повод дипломирањето, Мора беше пречекан со бурни аплаузи од своите соученици, а честитка му испрати и легендарниот голман Гилермо Очоа.

„Честитки, Морита! Среќен сум што постигна уште една важна цел. Продолжи да учиш, да ги следиш своите соништа и остани човек каков што си. Фудбалската кариера минува брзо, но добрите луѓе никогаш не се забораваат“, му порача Очоа.

Младиот фудбалер не планира да застане тука. Покрај професионалната кариера, сака да се запише на универзитет и веќе активно учи англиски јазик, покажувајќи дека образованието останува важен дел од неговите планови.

Конфликт стар повеќе од 40 години може да го одреди судијата за финалето на Мундијалот

Почнува четвртфиналето на Мундијалот: Мароко сонува одмазда против моќната Франција