ЕМА ја проценува француската вакцина Валнева
Европската агенција за лекови (ЕМА) соопшти дека започнала со оценување на вакцината против Ковид-19 од француската биотехнолошка компанија Валнева, неколку недели откако Европска Унија потпиша договор со компанијата за испорака на вакцината.
– Одлуката да се почне анализа во реално време се заснова на прелиминарни студии кои сугерираат дека вакцината ВЛА2001 покренува одговор на антитела на коронавирусот, се наведува во соопштението на ЕМА.
Кинеската вакцина против Ковид-19, Синовак, потоа француско-британската Санофи/ГлаксоСмитКлејн (ГСК) и вакцината на рускиот институт Гамалеј исто така се под ревизија од страна на ЕМА, која има за цел да ги забрза можните одобрувања со проучување на податоците веднаш штом ќе станат достапни.
Европска комисија минатиот месец го потпиша осмиот договор за вакцина против Ковид-19 со Валнев, според кој компанијата треба да испорача до 60 милиони дози од вакцината во текот на две години.
Валнева во октомври соопшти дека нејзината вакцина покажала ефикасност „барем еднакво добра, ако не и подобра” од Астра Зенека, во студија за доцната фаза во која вакцините се следеа паралелно, при што вакцината на Валнева има значително помалку несакани ефекти.
Извор: МИА