Експресна реакција, Михајлов веднаш си поднесе оставка
Денеска си поднесе оставка претседателот на Бугарската фудбалска федерација, Борислав Михајлов, која на состанокот в петок ќе биде претставена пред членовите на Извршниот комитет.
Михајлов го послушал советот од премиерот Бојко Борисов и ја напушти функцијата прв човек на бугарскиот фудбал, иако првично тврдеше дека нема намера да си замине.
Во соопштението на бугарската фудбалска федерација се вели дека Михајлов како човек кој има многу контакти на високо меѓународно ниво, ќе продолжи да помага во развојот на фудбалот во Бугарија.
Негативната слика која се создаде за бугарскиот фудбал во светот со расистичките испади на фановите, и дебаклот од 0:6 во натпреварот со Англија, беа доволна причина врз Михајлов да се направи огромен притисок од јавноста, дури и од премиерот, за тој да си замине од функцијата прв човек на бугарскиот фудбал.