Еден од паровите поради кои веруваме во љубовта – Заедно се 37 години, но никогаш не се венчале (ФОТО)
Голди Хоун и Курт Расел се еден од оние парови поради кои веруваме во љубовта. Овие две звезди ја започнале својата врска на Валентајн во 1983 година, а нивната љубов и по 37 години е посилна од било кога.
Сепак, иако се заедно речиси четири децении, Хоун и Расел никогаш не се венчале. Хоун во една прилика во едно интервју за „Loose Women“ откри и зошто:
– Би биле одамна разведени доколку се венчавме. Бракот е интересна психолошка работа. Но доколку сметате дека на вас ви е потребна таква врска со некого, тогаш е важно да се венчате. Курт и јас го сакаме чувството на слобода кое ни го дава фактот дека не сме во брак, а иако имаме толкава слобода, и двајцата одлучивме да останеме заедно.
Парот има едно заедничко дете, синот Вајт Расел, а двајцата имаат и деца од претходните бракови. Хоун е мајка на Оливер и Кејт Хадсон кои ги доби во бракот со Били Хадсон, а Курт го има и синот Бостон Расел од поранешната сопруга Сизон Хабли.
Освен на љубовен план, на овие гулапчиња секогаш им одеше прилично добро и на деловниот план. Голди е добитничка на Оскар која брилираше во мноштвото сјајни филмски дела, а Курт може да се пофали со номинацијата за Златен Глобус.