Македонскиот џудо клуб „Дрим“ – Струга освои шест медали на меѓународниот новогодишен џудо турнир во Целје.

Џудистите на „Дрим“ Струга беа супериорни и забележаа исклучително успешен настап на силниот турнир во словенечкиот град каде што младите натпреварувачи прикажаа врвно џудо.

Со златен медал се закитија Амар Бајрамоски и Елеонора Јосифоска, сребро имаат Доријан Петковски и Енил Ајдиноски, додека бронза Мила Стојмиловска и Давид Спироски.

ЏК „Дрим“ Струга воедно информира дека одличен настап забележа и Мунир Ајдиноски кој и покрај добрата форма покажувајќи висок натпреварувачки дух, сепак остана без медал.

Клубот воедно упатува посебна благодарност до Субија Тајроски, македонски бизнисмен кој живее и работи во Словенија, за неговата континуирана и несебична поддршка кон младите спортисти од Струга. Човек кој долги години го помага спортот но и на секој кој навистина му е потребно.

ЏК „Дрим“ продолжува да ја афирмира Струга и Македонија на меѓународната спортска сцена.