Славниот актер за магазинот „GQ“ ја потврди оваа дарежлива приказна…

Американскиот актер Џорџ Клуни (59) е навистина добар пријател, пренесуваат странските медиуми.

Имено, актерот во 2013 година на фантастичен начин им се одолжил на најблиските пријатели кои постојано му помагале додека тој бил непознат и започнал да се движи по патеката на славните.

Добитникот на Оскар ги потврди гласините дека пред 7 години им дал по еден милион долари на своите 14 пријатели.

– Само си помислив дека тие, доколку ме удри автобус, ќе бидат во мојот тестамент. Па зошто тогаш да чекам да ме удри автобус?, изјави тој за магазинот „GQ” и изданието „Маж на годината“.

Пред неколку години најдобриот пријател на Клуни, Ранде Гербер (58) ги шокираше фановите кога кажа дека Клуни една ноќ ги повикал своите пријатели на вечера и ги изненадил со подарок од милион долари за секој посебно.

Тоа беше пред Клуни, Гербер и останатите пријатели да го продадат нивниот бренд на текила за милијарда долари.

Клуни откри дека кога одлучил да ги подари своите пари на своите пријатели бил самец, остарел и не очекувал дека некогаш ќе има семејство.

Актерот сега е оженет со адвокатката Амал Клуни (42) и е татко на тригодишните близнаци Александар и Еле.

– И си помислив, се што имам се овие момци кои во текот на 35 години ми помагаа на овој или оној начин, изјави Клуни.

– Спиев во нивните кревети кога немав пари, ми позајмуваа пари кога бев без долар. Ми помагаа кога ми беше потребна помош низ годините. И си помислив дека јас всушност без нив не би бил ништо од ова што сум денес, заклучи клуни.

Клуни ја потврди и информацијата дека парите им ги подарил во скапоцените куфери од брендот „Tumi”.

– Тоа е случи на 27-ми септември 2013 година, а на 27-и септември 2014 година тој се венчаше со Амал. Тоа беше добра карма, изјави Гербер пред три години кога ја обелодени приказната во јавноста.