Кошаркарската репрезентација на Словенија ја продолжува одбраната на титулата и со победата од 88:72 над Белгија обезбеди пласман во четвтфиналето на Евробаскетот.

Следен противник на Словенија ќе биде подобриот од дуелот меѓи Украина и Полска кој ќе се игра утре.

Актуелниот европски шампион беше апсолутен фаворит, но отпорот на разиграните Белгијци го скрши дури во последната четвртина, а конечниот резултат и победата од 16 поени, не ги отсликуваат најдобро случувањата на теренот.

Белгија беше рамноправен противник повеќе од три четвртини, на одмор имаше само минус три, а на стартот од последната четвртина дури и поведе.

Токму тогаш, Словенците предводени од Лука Дончиќ заиграа далеку подобро и нивниот квалитет дојде до израз па рутински го приведоа натпреварот до крајот. Последната четвртина Словенија ја доби со 25:12.

Лука Дончиќ повторно блескаше и ја предводеше Словенија со 35 поени, 5 скока, 5 асистенции и 4 украдени топки. Клемен Препелиќ додаде 13 поени, Мајк Тоби 12, а Горан Драгиќ 11 поени. Кај Белгија се истакнаа Емануел Лекомт со 16 Жиле со 15 поени.

Претходно денеска Франција се пласираше во четвртфиналето откако во драматичен натпревар ја победи Турција., а вечерва треба да се одиграат уште два натпревари од осминафиналето, Германија – Црна Гора (18 ч.) и Шпанија – Литванија (20:45 ч.).