Европската фудбалска федерација (УЕФА) и официјално го избра најдобриот тим на Европското првенство. Очекувано во него се наоѓаат највеќе фудбалери на новиот европски шампион Италија, тоа се голманот Џанлуиџи Донарума, дефанзивците Леонардо Бонучи и Леонардо Спинацола, играчот од средниот ред Жоржињо и напаѓачот Федерико Киеза.

Финалистот Англија има тројца претставници во најдобриот тим, Кајл Вокер, Хари Мегваер и Рахим Стерлинг, додека полуфиналистите Данска и Шпанија имаат по еден претставник, Пјер-Емил Хојберг и Педри. Последниот член на идеалниот тим на Евро 2020 е напаѓачот на белгиската репрезентација Ромелу Лукаку.

Интересно е што во иделниот тим ги нема двајцата најдобри стрелци на ЕП, Кристијано Роналдо и Патрик Шик кои постигнаа по пет голови. Нивното место го зазеде Лукаку кој постигна еден гол помалку.

👕🙌 Introducing the official Team of the Tournament for #EURO2020

Who would be your captain? 🤔 pic.twitter.com/goGLi6qQzj

— UEFA EURO 2020 (@EURO2020) July 13, 2021