Холандски суд денес му изрече 10-годишна затворска казна на 27-годишен Пакистанец поради планирање на терористички напад врз холандскиот пратеник Герт Вилдерс, познат по антиисламистичките ставови, пренесоа медиумите.

На Пакистанецот, чие име не е познато за јавноста, му е изречена потешка казна од шест години затвор, на барање на обвинителството, а судиите се одлучиле на таков чекор поради тоа што осомничениот имал намера да го убие Вилдерс.

Заканите за смрт се дел од секојдневието на Вилдерс поради неговата остра антиисламистичка реторика, дознаваат од „АП“. Вилдерс со години живеел во куќа која е под 24-часовна заштита.

Судот наведе дека осудениот Пакистанец во август минатата година допатувал во Холандија со план да го ликвидира Вилдерс, бидејќи организирал конкурс за најдобра карикатура на пророкот Мухамед, од што подоцна се откажал.