Доколку Лејкерси бидат шампиони, Рондо ќе биде единствениот во НБА лигата!
Бостон Селтикс и натаму е рекордер по бројот на освоени титули во НБА-лигата, но тоа може да се промени веќе следната ноќ. Лос Анџелес Лејкерс води со 3:1 во НБА финалето против Мајами Хит и има три „меч топки“ за 17 титула и на тој начин би се израмнил со Селтикси.
Иако двете екипи досега освоија 33 од вкупно 73 титули, ниту еден играч во историјата не бил шампион со обете. Тоа може да се промени во петтиот меч од серијата, Ражон Рондо со Селтикси во 2008 година беше дел од 17 титула на клубот, а сега со Лејкерси исто така се брка 17 титула.
Рондо ја одигра својата прва сезона во Бостон кога генералниот директор Дени Ејнџ реши да формира супер тим и на Пол Пирс му се придружат Кевин Гарнет и Реј Ален. Селтикси станаа шампиони во таков состав уште во првата сезона, а Рондо беше стартниот играч кој се наметна како четврта ѕвезда во клубот.
Rajon Rondo is about to help the Lakers raise banner No. 17, 12 years after helping the Celtics raise banner No. 17.
— Michael Lee (@MrMichaelLee) October 7, 2020
Рондо е тип на играч кој ги претвора одличните соиграчи во врвни, но не и тип кој ги претвара добрите во одлични. Поради тоа, а и поради неговиот темперамент по распадот на тој тим на Селтикс, тој не се вклопи никаде.
Но, во летото 2018 година, беше ангажиран од Лејкерси и му помогне на „осамениот“ Леброн Џејмс, што се покажа како вистински потег во овој плејоф. Рондо редовно ја подигнуваше неговата игра за неколку нивоа..
– Освоив титула на 22 години, а сега кога имам 34 години тоа е сосема поинакво искуство и разбирам дека тоа не се случува често или секоја година. Можам да кажам дека сум среќен и благословен што играм толку долго – рече Рондо.