Директорката на државниот театар во Москва во четвртокот јавно го нарече рускиот претседател Владимир Путин „убиец“ кога објави дека се повлекува од функцијата во знак на протест поради воениот напад на Русија врз Украина, пишува „Business Insider“.

„Пријатели, во знак на протест против руската инвазија на Украина, поднесувам оставка“, објави на „Фејсбук“ Елена Ковалскаја, директорка на театарот Мејерхољд Центар.

Ковалскаја додаде: „Не можете да работите за убиец и да добивате плата од него. Ќе ги доведам моите проекти – оние што ги иницирав – до крај, на доброволна основа“, рече Ковалскаја.

Украинката која се откажа од Евровизија, снимала филм во Македонија: Интервју со режисерите Кирил Каракаш и Светислав Подлешанов

Во меѓувреме, театарот – именуван по починатиот руски драматург Всеволод Мејерхољд – исто така се огласи на „Фејсбук“, велејќи дека немилосрдната агресија на Русија во Украина „сега дојде во трагичен конфликт со нашата мисија“.

„Не можеме да молчиме за ова. Ни останува само ова да кажеме: „Не на војната“, се вели во објавата на социјалните мрежи. „Војната е многу повеќе од непочитување кон една личност и многу пострашна. Војната е смрт на личноста, тоа е убивање луѓе“.

Театарот, исто така, се заблагодари на Ковалскаја за нејзината храброст.

Умберто Еко: Како да препознаете фашисти?