Ди Марцио: Готово е, Халанд избра каде ќе ја продолжи кариерата
Италијанскиот новинар Џанлука Ди Марцио објави дека напаѓачот на Борусија Дортмунд, Ерлинг Халанд одлучил да направи трансфер во Реал Мадрид.
Ди Марцио тврди дека Норвежанецот избрал помеѓу англиската Премиер лига и шпанската „Ла Лига“. Според него, „Ла Лига“ повеќе му одговара на неговиот стил на игра.
Во Шпанија два клуба Реал и Барселона можат да го донесат еден од најдобрите напаѓачи во светот напаѓач, а Халанд одлучи да го облече „кралскиот“ дрес.
Тој веќе побара од својот агент да се договори со Реал, објави италијанскиот новинар.
Следното лето би можел да се раздели со Дортмунд за 75 милиони евра. За бундеслигашот заработува околу осум милиони евра годишно, а во Мадрид се очекува да заработува двојно повеќе.
– Ерлинг ќе го направи следниот чекор во кариерата. Баерн, Реал, Барселона и Манчестер сити се клубови каде што може да оди – рече неодамна агентот на Халанд, Мино Раиола.
Халанд пристигна во Борусија во зимата 2020 година од Салцбург за 20 милиони евра. За клубот од Дортмунд досега одигра 75 натпревари и постигна 76 голови.
🇳🇴 Haaland prefers La Liga over Premier League and he has specifically asked Mino Raiola for a move to Real Madrid next season. @DiMarzio @wettfreunde pic.twitter.com/kUtAlJ0ekP
— Infinite Madrid (@InfiniteMadrid) December 27, 2021
На повидок е војна помеѓу Реал и Барса, Лапорта сака да го минира трансферот на Халанд во Мадрид