Џафери го прими Столтенберг
Претседателот на Собранието, Талат Џафери во законодавниот дом го пречека генералниот секретар на НАТО, Јенс Столтенберг.
Инаку на приемот во Собранието присуствуваат повеќе високи функционери од двете страни, а меѓу нив пристигна и премиерот на Северна Македонија, Зоран Заев.
Официјалниот дел од посетата на делегацијата на највисоките тела на НАТО започнува утре со церемонијата на официјалниот пречек на платото на Владата на РСМ, по што ќе следува билатерална средба на делегациите предводени од премиерот Зоран Заев и генералниот секретар на НАТО Столтенберг, со амбасадорите на Северноатлантскиот Совет и министрите во Владата.
Со работниот дел на Северноатлантскиот Совет со Комитетот за интеграција на Република Северна Македонија во НАТО и претставници на Влада, што ќе се ќе се одржи потоа, ќе претседаваат премиерот Заев и генералниот секретар Столтенберг, по што ќе следува и нивната заедничка прес-конференција.
Во текот на утрешниот ден, Столтенберг и амбасадорите на Северноатлантскиот совет ќе бидат примени и од претседателот Стево Пендаровски