„Десетка“ за Димитријевиќ во Шпанија, Магдевски втор стрелец за романскиот Плоешти

Македонскиот репрезентативец Андреј Магдевски (Плоешти) имаше солидно издание во новата партија во романската лига/Фото: kfsm.mk

Денеска во шестото коло од најквалитетната шпанска лига екипата на Валенсија со 65:69 славеше кај Сан Пабло Бургос.

Придонес во триумфот имаше македонскиот репрезентативец Ненад Димитријевиќ кој за 22 минути на паркетот беше еден од четворицата кошаркари во составот на Валенсија со двоцифрен ефект.

Нашиот плејмејкер постигна 10 поени, запиша и шест асистенции (најмногу во својот тим) и ја потврди добрата форма во оваа фаза од сезоната.

Валенсија моментно е на деветтата позиција со шест бодови, шест помалку од водечката Барселона.

Од другите наши репрезентативци во одлична форма е и Андреј Магдевски кој во Романија во првиот пораз на Плоешти за 29 минути игра имаше 15 поени против Питешти (70:74). Додаде седум асистенции и три скокови за индекс 17, највисок во тимот на Плоешти.

Во генералниот пласман Плоешти е на второто место со седум бодови, еден помалку зад првопласираниот Питешти.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот