Утрово во Карпош 4, кај кафеаната „Барка“, девојка била нападната од глутница со преку десет кучиња, кои ја турнале на земја, информираат од „Независни за Карпош“, посочувајќи дека ова не смее да продолжи и вакви случаи да има и во иднина.

Тие бараат итно постапување и решавање на проблемот и да не се остави овој проблем без да се преземат сериозни чекори за негово решавање.

Проблемот со бездомни кучиња во Карпош се влошува во последниов период, со постојано истоварање на нови групи на кучиња кои се носат тука од некое друго место. Општина Карпош мора во тесна соработка со полицијата да ги идентификува овие лица кои истовараат групи на кучиња во Карпош и да ги казни, за да запре оваа појава. Општина Аеродром има веќе искуство на оваа тема, па може да ја консултираат. Но, да се остави овој проблем така, без да се преземат сериозни чекори, е недозволиво – велат од „Независни за Карпош“.

Карпошани веќе подолг период алармираат за зголемен број на кучиња кои се истовараат низ населбите и бараат некое решение затоа што се чувствуваат небезбедни кога се движат, особено во вечерните часови.