Времето денеска ќе биде променливо облачно и нестабилно, на повеќе места со пороен дожд, грмежи и со засилен северен ветар, информира управата за хидрометеоролошки работи.

Локално, процесите ќе бидат поинтензивни во форма на невреме со пообилен пороен дожд, грмежи, силен ветар (над 60 километри на час) и услови за изолирана појава на град.

Утринските минимални температури се движат од 10 до 18 степени, а максималните дневни температури ќе изнесуваат од 18 до 28 степени.

Во Скопје, времето ќе биде променливо облачно и нестабилно со пороен дожд и со грмежи.

Во делови од котлината ќе има услови за краткотрајно невреме со интензивен пороен дожд, грмежи, засилен ветер и изолирана појава на град.