Денес би наполнил 28 години: Џон Траволта објави трогателна фотографија на роденденот на починатиот син (ФОТО)
Истото го направија и сопругата на Траволта и ќерката…
На своите профили на Инстаграм, холивудскиот актерски пар Џон Траволта и Кели Престон, но и нивната ќерка Ела, објавија заеднички фотографии со Џет Траволта, синот и братот кој почина пред 12 години во текот на семејниот одмор на Бахамите.
Оваа година тој би наполнил 28 години, а токму по тој повод јавно се огласија тројцата.
„Среќен роденден Џети! Те сакаме“, напиша 66-годишниот Џон Траволта покрај црно-белата фотографија на која тој и синот се насмевнуваат еден на друг.
Истото го направи и сопругата на Траволта, која на фотографијата позира со синот, а слични беа и зборовите на сестрата Ела Блу која објави фотографија на која сите четворица заедно позираат.
Џет Траволта почина во јануари 2009 година за време на семејниот одмор на Бахамите, кога имаше само 16 години. За време на бањањето во када во еден луксузен хотел, Џет доживеа епилептичен напад по кој падна и ја удри главата во кадата. Џет имаше аутизам, но семејството не зборуваше за тоа.
