Дела, а не зборови: Славниот актерски пар со милионска донација за Украина
Сопружниците Блејк Лајвли и Рајан Рејнолс решија да се придружат на донаторската акција на УНХЦР со која ќе му се помогне на украинскиот народ. Имено, како што соопштија на своите официјални страници на социјалните мрежи, за секоја направена донација на УНХЦР, тие ќе ја донираат истата сума пари, сѐ додека не стигнат до еден милион долари.
„За 48 часа, бројни Украинци беа приморани да ги напуштат нивните домови и да се засолнат во соседните земји. На нив им е потребна заштита, а ‘САД за УНХЦР’ ќе им ја овозможи. Кога ќе донирате, ние ќе ја донираме истата сума – сѐ до еден милион долари“, напиша Рајан Рејнолдс на социјалната мрежа Инстаграм.
View this post on Instagram
На веб-страницата може да се донираат суми во висина од 60, 120, 240 и 1000 долари, но и сума по сопствен избор на оној кој сака да донира.
„120 долари можат да заштитат осум семејства од временските неприлики“, се наведува на страницата.
View this post on Instagram
Повеќе текстови на темата:
Принцот Вилијам и Кејт Мидлтон се огласија: Ја поддржуваат Украина
ФОТО | Продуцентите од „Симпсонови“ објавија цртеж: „Важно е да се одбрани слободата“
ФОТО | Бескрајната сила на империјализмот: Актерката Мила Јововиќ се огласи за нападот на Украина