Родителите со задоволство им купуваат подароци на своите деца во текот на празниците, но претерувањето може да доведе до несакани последици. Истражувањата покажуваат дека материјализмот е поврзан со пониско ниво на среќа, а тие обрасци се појавуваат веќе во детството, обликувајќи го начинот на кој децата учат благодарност, разбирање на трудот и чувство на задоволство.

Намерите на родителите се секогаш добри, но понекогаш подароците почнуваат да имаат спротивни ефекти од саканото. Психотерапевт со повеќе од 25 години искуство, Шон Гровер, тврди дека родителите кои купуваат премногу подароци за своите деца премногу, подоцна ги забележуваат следниве проблеми подоцна. А овие играчки не треба да им купувате на децата за Нова година.

1. Често деструктивно однесување

„Децата кои во текот на празниците алчно ги зграпчуваат подароците честопати подоцна развиваат негативни социјални и емоционални обрасци. Една студија покажа дека таквите деца имаат поголема веројатност да западнат во долгови на кредитните картички како возрасни, се посклони кон коцкање и компулсивно купување. Краткиот наплив на среќа брзо исчезнува, а остава постојано чувство дека им треба повеќе“, објаснува Гровер за „Јор танго“ (YourTango).

2. Пониска самодоверба

Трајната самодоверба се базира на идентитетот, а не на количината на работи што ги поседува детето.

„Студиите потврдуваат дека не постои поврзаност помеѓу материјалните добра и среќата или самодовербата. Децата кои имаат помалку работи, но цврсти односи со родителите и врсниците, постигнуваат повисоки резултати на тестовите за самопочитување, имаат помалку проблеми во однесувањето и покажуваат поголема отпорност“, истакнува психотерапевтот.

3. Пад на долгоротрајното чувство на среќа

Истражувачите кои ги објавувале своите студии во „Журнал за среќа“ (Journal of Happiness) на Харвард, откриле дека луѓето повеќе ги ценат подароците што им ги даваат на другите од подароците што ги купуваат за себе.

„Оние што даваат подароци постигнуваат и повисоки резултати на скалата на лично задоволство. Децата кои развиваат дарежливост стекнуваат посилно чувство на поврзаност и поголема среќа, додека децата кои се фокусирани само на примањето подароци почесто развиваат недостиг на емпатија и егоцентричност“, заклучил Гровер.