Најновиот потег на војвотката од Сасекс повторно ги подигна веѓите во Холивуд, но и кај вработените на нејзиниот деловен партнер – стриминг гигантот Нетфликс.

Според најновите информации, производи од брендот на Меган Маркл, „As Ever“, кои неодамна беа ребрендирани откако првично беа претставени под името „American Riviera Orchard“, почнале да се делат меѓу вработените во Нетфликс. Овој чекор доаѓа во период кога Нетфликс отвора нови физички продавници под името „Netflix House“ во трговски центри низ САД, каде што се очекува да се продава и асортиманот на војвотката.

 

View this post on Instagram

 

A post shared by Netflix House (@netflixhouse)

Извори блиски до продукцијата откриваат дека на персоналот им биле поделени поголеми количини производи, меѓу кои џемови, мешавини за колачи и розе вино. Иако на прв поглед гестот може да изгледа како знак на великодушност, инсајдерите тврдат дека реалноста е далеку посложена.

Имено, „подароците“ пристигнуваат во момент на растечко незадоволство кај понископлатените вработени во Нетфликс, особено кај оние што ќе работат во новите продавници во „King of Prussia“ во Филаделфија и „Galleria Dallas“. Многумина ја истакнуваат иронијата што добиваат луксузни производи кои, со оглед на нивните саатници, тешко можат самите да си ги дозволат.

Цените на производите од брендот „As Ever“ дополнително ја разгореа дебатата. Наводно, една тегла џем чини околу 30 долари, додека вината и кујнските сетови достигнуваат и повисоки суми. Наспроти тоа, почетната саатница за вработените во „Netflix House“ се движи меѓу 15 и 20 долари. Еден вработен, кој сакал да остане анонимен, изјавил дека е „апсурдно да им се дели џем што чини повеќе од два часа работа“. Овој јаз меѓу луксузниот имиџ што го промовира Меган и реалноста на работниците создаде напната атмосфера.

Како дополнителен проблем, вработените ја опишуваат целата ситуација како „логистички кошмар“. Лансирањето на брендот „As Ever“ веќе неколкупати беше одложено, а промената на името од „American Riviera Orchard“ создаде уште поголема забуна. Фактот што производите сега се делат интерно поттикна шпекулации дека продажбата не оди според планот или дека постојат вишоци залихи кои треба да се искористат пред истекот на рокот, имајќи предвид дека станува збор за прехранбени производи.

„Изгледа како да не знаат што да прават со нив“, изјавил еден извор, додавајќи дека ентузијазмот за брендот внатре во самата компанија е далеку под очекувањата на раководството.