Меѓународен тим на научници го опиша пронајдениот древен, човечки фосил во Кина, како многу поразличен од кој било друг примерок пронајден досега, пренесува „Саенс алерт“ („Sience alert“).

Во новата студија, научниците велат дека овој пронајдок не наликува на предците од кои се развиле неандерталците, ниту на денисовците, ниту на современиот човек, што сугерира дека сегашната верзија на човечкото еволутивно стебло има потреба од друга гранка.

Коските на вилицата, черепот и ногата кои припаѓаат на овој скелет, стар 300.000 години, што допрва треба да биде класифициран, а означен како „HLD 6“, а биле откриени во Хуалонгдонг, во Источна Азија уште во 2019 година. Во годините оттогаш, експерти од Кинеската академија на науките се трудат да ги усогласат посмртните останки со познатите еволутивни лози.

Лицето на т.н. хоминин е слично структурирано како она на модерната човечка лоза, која се одвоила од хомо еректус, уште пред 750.000 години. Но, недостатокот на брадата на поединецот изгледа повеќе како денисовец, исчезнат вид на древен човек во Азија, кој се одвоил од неандерталците пред повеќе од 400.000 години.

Работејќи заедно со истражувачите од кинескиот Универзитет „Ксиан Џиаотонг“, Универзитетот во Јорк и шпанскиот Национален истражувачки центар за човечка еволуција, тимот истражувачи мислат дека откриле сосема нова лоза – хибрид помеѓу гранката што ни ги дала современите луѓе и гранка што ги дала другите антички хоминини во регионот, како денисовците.

Историски гледано, многу фосили на хоминини, од плеистоценот кои се пронајдени во Кина, не се вклопиле лесно во ниту една лоза. Како резултат на тоа, таквите останки често се објаснуваат како средни варијации на еволутивниот пат кон современото човештво, односно како архаичен пример на хомо сапиенс или напредна форма на хомо еректус.

Но, ова прилично линеарно, поедноставено толкување е контроверзно и не е широко прифатено. Додека хомо еректус опстојувал во Индонезија до пред околу 100.000 години, остатоците кои неодамна беа пронајдени во Источна Кина имаат поголема сличност со другите, помодерни лоза на хоминин.

Претходно, геномските студии за остатоците од неандерталците во Европа и западна Азија пронајдоа докази за четврта лоза на хоминини, кои живеат во средниот до доцниот плеистоцен. Но, оваа исчезната група никогаш не била официјално идентификувана во фосилните записи. Па, можеби неодамнешните човечки останки пронајдени во Кина, се дел од сложувалката што недостасува.

Авторите на студијата велат дека, фосилизираната вилица и черепот припаѓаат на 12 или 13-годишно момче, и додека неговото лице има црти слични на современите луѓе, екстремитетите, черепот и вилицата „се чини дека одразуваат попримитивни особини“.

Нивните резултати сега го комплицираат патот до современите луѓе. Мозаикот од физички карактеристики пронајден во овој древен хоминин наместо тоа, го поддржува коегзистирањето на три лози во Азија, лозата на хомо еректус, лозата на денисовци и оваа лоза, која е „филогенетски блиска“ до нас.

Хомо сапиенсот се појавил во Кина само пред околу 120.000 години, но се чини дека некои од нашите „модерни“ карактеристики постоеле овде многу пред тоа. Можеби последниот заеднички предок на хомо сапиенс и неандерталците се појавил во југозападна Азија и подоцна се проширил на сите континенти.

Оваа теорија на научниците допрва ќе треба да се потврди, со повеќе археолошки истражувања.