На 2 ноември се одржа Европското АДЦЦ првенство во Белград, Србија, на кое земаа учество 12 натпреварувачи од најуспешниот македонски клуб Д СТРОНГЕСТ и се закитија со осум златни, еден сребрен и четири бронзени медали.

Златни медали на ова првенство во „борење со предавање“ (submission grappling) освоија во детска категорија Антонио Трајковски, Томи Блажевски, Иван Сапунџиев и Алек Костов во јуниорска категорија, Даниела Алексовска каде што ја победи светската АДЦЦ вицешампионка, и Марко Трајановски.

Во сениорска категорија на главниот настан кој беше пренесуван во живо на Арена Фајт ТВ Алексовска и Стефан Пецевски издвоија победи и се закитија со злато.

Сребро освои Лука Стојановски, а бронзени медали имаат Леонид Димовски, Горазд Василевски, Стефан Митров и Петра Џатевски.

„Д Стронгест” освои два пехари за трето место во детска и сениорска категорија.

Тимот составен од тренерите Ивица Алексовски и Стефан Пецевски и единствениот македонски натпреварувач, Даниела Алексовска патува за Узбекистан каде што ќе биде дел од Светското ИММАФ првенство.

Алексовска освои два златни медали (2 х Европски АДЦЦ шампион), а од среда ќе биде во категорија на светската ММА елита.