Совршено издание на Војвотката од Кембриџ…

Кејт Мидлтон и принцот Вилијам посетија една лондонска пекара каде што уживаа во подготовката на пецива, а истиот ден го посетија и центарот за вработување и една џамија.

Војвотката од Кембриџ избра црвено-бел цветен фустан кој во една прилика веќе го носеше.

Романтичниот фустан од брендот „Beulah London“ многу убаво ја следи линијата на нејзиното тело.

Станува збор за модел изработен од свилен материјал и памучна чипка. Покрај цветниот дезен, фустанот со ракави има и дезен налик на вез, што му дава и винтиџ шарм, како и копчиња за закопчување по целата должина кои додаваат доза на елеганција.

Цветниот фустан Кејт го искомбинира со крем салонки од модната куќа Ралф Лорен, а тие се покажаа како совршен избор бидејќи црвената и крем бојата одлично одат заедно.