Кошаркарите на Црвена звезда вечерва во Каунас, Литванија беа поразени од Жалгирис со 99:67 во натпреварот од 21 коло од Евролигата.

Победата на домаќините беше најавено веќе во првото полувреме во кое Жалгирис имаше висока позитива од „плус 19“ (47:28).

Најдобар настап во тимот на српската екипа имаше Чима Монеке со 18 поени, со пет скока и три асистенции, Донатас Мотиејунас додаде девет поени, со три скока, додека Сами Оџелеј (шест скока), Никола Калиниќ (четири украдени топки) и Стефан Миљеновиќ постигнаа по седум поени.

Најдобар настап во тимот на Жалгирис имаше Љулас Тубелис со 17 поени и пет скока, Силван Франциско постигна 15 поени и по шест скока и асистенции, а Маодо Ло и Арнас Буткевичиус додадоа по 12 поени.

Жалгирис е моментно на деветтото место на табелата во Евролигата, со учинок од 12 победи и девет порази, додека Црвена звезда, по вториот последователен пораз се наоѓа на 10 позиција (11-10).

Црвена Звезда ќе игра на гости во Италија против Милано во следното коло, а Жалгирис оди кај израелскиот Макаби.