Чурлинов: Ваквите денови не ги доживувате многу често во животот

чурлинов
Дарко Чурлинов имаше значаен придонес во успехот на Шалке/Фото: EPA-EFE/SASCHA STEINBACH

Шалке ја оствари главната цел сезонава, откако во саботата со пресврт триумфираше над Ст. Паули и со своите навивачи го славеше враќањето во Бундеслигата.

Значаен придонес во тоа имаше и македонскиот репрезентативец Дарко Чурлинов кој помогна со асистенција да биде израмнет резултатот на 2:2 и така целосно ги врати надежите за тимот од Гелзенкирхен.

Следуваше голема радост кај играчите, нашиот играч исто така славеше со верните навивачи на клубот.

Чурлинов е на позајмица од Штутгарт (кој грчевито се бори за опстанок во Бундеслигата), а без сомнение управата на Шалке ќе се обиде со сите сили да го задржи Македонецот во своите редови.

– Ваквите денови не ги доживувате многу често во животот. Минатото лето дојдоа во Шалке 04 со една голема цел, а тоа беше да се вратиме во Бундеслигата. Ова го постигнав заедно со моите соиграчи. Не почнав да паничам кога бевме во негатива од 2:0, знаев дека сепак ќе го добиеме овој натпревар.

Игравме добро во првото полувреме, но не ги искористивме нашите шанси. Стадионот „експлодираше“ кога Родри (Залазар) постигна гол за 3:2. Им благодариме на навивачите за неверојатната поддршка уште еднаш – рече Чурлинов за клупскиот сајт.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот