„Чкембари“ за првпат дел од сопственичката структура на ФК Пелистер
Како што се најавуваше пред неколку дена, тоа денеска и официјално е потврдено од страна на навивачката група на „Чкембари“.
„Чкембари“ за првпат станаа дел од сопственичката структура на фудбалскиот клуб Пелистер од Битола.
– Клубот доби и нови доминантни сопственици на кои им посакуваме многу среќа и умешност во управувањето на клубот.
Се надеваме дека скромните амбиции да останеме дел од првата лига во иднина ќе бидат многу повисоки и дека за брзо време и Битола ќе дочека европски натпревар на Пелистер Под Тумбе Кафе. Напред Пелистер ти си живот наш – пренесуваат „Чкембари“.
Стартот во новата сезона не е најдобар за битолчани, бидејќи после девет одиграни натпревари е на последното 12 место со четири бодови, единствен без триумф. Новиот прволигашки меч ќе го имаат в сабота на гостински терен против Ренова од 14.00 часот.