Четири фудбалски ѕвезди и се нудат на Барселона
Иако се наоѓа во големи финансиски проблеми (долговите изнесуваат 1.5 милијарди евра), Барселона се уште е магнет за фудбалските ѕвезди кои и се нудат да пристигнат на „Камп Ноу“ и за помали плати кои ги имаат во актуелните клубови.
Каталонските медиуми пишуваат дека четворица напаѓачи се заинтересирани да се преселат на „Камп Ноу“ и да го заменат Мемфис Депај кој не е задоволен од статусот во каталонскиот тим и побара да биде ставен на трансфер листата.
Единсон Кавани веќе имаше разговори со челниците на Барселона, потоа Пјер-Емерик Обамејанг кој е во „војна“ со тренерот Микел Артета како и Тимо Вернер од Челси кој пак со доаѓањето на Ромелу Лукаку падна во втор план кај Томас Тухел.
Последен кој е заинтересиран за преселба во Барселона е Пауло Дибала. Аргентинецот ги прекина преговорите со Јувентус за нов договор бидејќи управата на клубот иако се согласи да му даде осум милиони евра годишно, подоцна ја намали сумата за еден милион.